About Us

Bon biní na
Curaçao Delights

Kushiná i trahamentu di kos dushi ta un arte ku tur hende por siña. Esaki mes ta e motivashon tras di Curacao Delights; e úniko plataforma online lokal ku ta instruí bo kon pa prepará un variedat grandi di reseta pa diferente kuminda, bolo i kos di boka dushi.

Bira un profeshonal den kushina dor di sigui kursonan online ku ta speshalisá pa siñá bo e reseta i método di preparashon di e platonan di mas popular na Kòrsou. Kursonan ta den forma di video on demand, ku bo ta siña téknikanan kulinario ku ta kapasitá bo pa por prepará kualke plato riba bo propio tèmpo.

Lesa mas

Kursonan resiente

Fundador

Jeritza Beaumont

Curaçao Delights ta ekspreshon di kurason di su fundador Jeritza Beaumont. Konosí na Kòrsou komo é trahadó di bolo, Jeritza su abilidatnan kulinario ta hopi diverso.

Tur kos a kuminsá na aña 1990, kaminda Jeritza a disidí di bandoná su trabou na banko, pa asina por persiguí su pashon den trahamentu di bolo. Den e temporada akí el a dediká su mes na traha bolo, dòrna bolo, pero tambe duna tayer tokante trahamentu di bolo.

Den transkurso di añanan, Jeritza a sigui perfekshoná su abilidat di traha bolo i a bira konosí pa trahamentu di e delisioso bolo pretu. Ku e deseo pa laga mundu kompletu sera konosí ku e bolo pretu di Kòrsou, Jeritza a kuminsá bende kahitanan di bolo pretu, tantu lokal komo internashonal. El a bira asina popular ku el a haña e apodo di “Queen di Bolo Pretu”.

Ku tempu Jeritza a sigui amplia su konosementu den e área di trahamentu di bolo i a bin ta dominá e materia aki pa añanan kaba. A pesar ku el a sigui traha bolo i tambe kushiná, nunka Jeritza a stòp di duna tayer na hendenan ku ta’tin e deseo di siña mas.

Den su afan pa hasi su tayernan mas efektivo i siña aun mas tantu hende, Jeritza a selektá diferente profeshonal den e área kulinario pa forma un tim ku por duna lèsnan di kushiná i trahamentu di kos dushi. Di e forma akí el a krea Curacao Delights online.

Dikon Curacao Delights?

  • Ekspertonan kulinario

    Instruktor di kada kurso ta profeshonalnan ku konosementu i eksperiensia kulinario. Atkerí abilidatnan kulinario nobo for di ekspertonan mes.

  • Kurso Profeshonal

    Kursonan simpel i fásil pa komprondé i aplká. Siña téknikanan kulinario manera kon ta sasoná, kòrta karni i bèrdura i tambe dekorashon di plato.

  • Lèsnan Detayá

    Kursonan ta kontené resetanan na midí i método di preparashon di kada plato. Resetanan i método di preparashon ta garantisá kalidat altu di kushinamentu.

Menu