E Sous krioyo perfekto / E sekreto di e sous perfekto

Sin kita, sin pone, sous ta parti esensial di un plato su totalidat. Bo por konsider’é komo e reina di plato. Aparte di ta enrikesé sabor di bo kuminda, e ta sòru pa e presentashon di e plato ta visualmente mas atraktivo. Banda di esaki, sous por tin asta un balor nutritivo agregá na e kuminda. Mi sa ki bo ta pensa. ‘Dikon lo mi tin ku siña traha un sous; ta kos masha fásil’. E kontesta ta simpel, VARIASHON! E chèns ta grandi ku mayoria biaha bo ta traha e mésun sous. Lo bo n’ ke sa un otro forma pa traha bo sous i asina duna bo kuminda un toke diferente? Wèl si bo kontesta ta sí, e reseta akí di Itel Cicilia, ta esun ku definitivamente bo tin mester. Bo ta bai siña e sekreto pa traha un sous krioyo eskisito ku ta hiba sabor di bo kuminda na nivel di dushi X10. Garantisá!

Loke bo ta bai siña

• 5 tep fásil pa traha un Sous krioyo ku un toke diferente den ménos ku 5 minüt
• E sekuensha korekto pa agregá kada ingrediente di manera ku bo sous ta riku na sabor i bon balansá.
• Téknika di kòki profeshonal ku por hiba sabor di bo kuminda na e siguiente nivel.

Konosementu

• Pa por sigui e kurso akí no ta rekerí konosementu avansá di kushina. Tur paso ta ser spliká di un manera fásil i komprendibel.

Kurso akí ta inkluí

• Video ku durashon di 12 minüt i 17 sekònde
• Akseso ilimitá na video
• Akseso via selular i kòmpüter