Tropical Rum Raisin Dessert

Bo tabata sa ku eiskrim ta e pasaboka mas gustá na mundu? Esaki ta konta tantu serka mucha komo adulto, hende muhé i tambe hende hòmber. Ta difísil pa topa un persona ku no sa kome eiskrim. E ta un ‘dessert’ perfekto pa kualke okashon. Loke ta hasié asina speshal ta e echo ku tin sufisiente sabor pa gusto di kada persona. Banda di esaki, bo por kombin’é fásil ku diferente otro ingrediente i krea un pasaboka aun mas delisioso. E reseta di Tropical Rum Raisin Dessert akí ta speshalmente pa abo ku ta amante fiel di eiskrim. Manera e nòmber ta bisa, e ta trahá a base di eiskrim di rum raisin, kombiná ku panlefi i algun otro ingrediente sorpresa.

Loke bo ta bai siña:

– Un reseta fásil i delisioso pa bo malkriá bo mes kuné óf sorprendé bo famia

Konosementu

· Pa por sigui e kurso akí, no ta rekerí konosementu avansá di kushina. Tur paso ta ser spliká di un manera fásil i komprendibel

Kurso akí ta inkluí

· Video ku durashon di 6 minüt i 18 sekònde

· Akseso ilimitá na video

· Akseso via telefòn selular i kòmpüter