Plato krioyo di Piská Kòrá

Plato krioyo di Piská Kòrá

Kiko un bon plato di Piská ta bisa di Kòrsou?

Wèl e kontesta ta fásil. Pa di promé, Kòrsou ta un isla chikí ku ta rondoná di laman. Tin hopi hende ta biba di peska riba nos isla i nos hendenan ta gusta kome bon. Ken ta ninga un plato típiko di piská? Un di e piskánan ku sigur tin hopi demanda p’e serka kòki- i restorantnan, ta Piská Kòrá. Esaki no ta solamente na Kòrsou, sino den hinter Karibe. E gran mayoria di e populashon di Piská Kòrá ta konsentrá na Golfo di México. Sinembargo e piská akí a bira hopi skars debí na su popularidat. Bo por kushin’é na diferente manera, pero ta e téknika korekto ta lagá bo saka lo máksimo di su sabor. Den e video akí, Itel Cicilia ta bai kompartí ku bo tepnan balioso pa bo por prepará e mihó plato krioyo di piská kòrá. Itel ta un kòki profeshonal ku tin más ku 50 aña di eksperiensia. El a traha na diferente restorant i hotèl renombrá na Kòrsou i tambe den eksterior. Ken mihó ku Itel pa siñá bo kon pa prepará e piská a la shèfkòk?

Loke bo ta bai siña ta:

• E método di Julienne pa kòrta berdura na mésun midí pa sigurá ku e ta kushiná riba mésun tèmpo.
• E téknika ku Itel ta usa pa buta e piská den zeta sin ku e ta spat i kima bo man.
• E sekreto pa sasoná e piská bon sin ku e ta bira muchu salu
• E kombinashon perfekto di sason pa duna bo piská un bon smak sin ku e ta muchu salu.
• Kon pa kushiná e funchi di manera ku e ta sali moli, dushi i sin pipita

Konosementu

• Pa por sigui e kurso akí no ta rekerí konosementu avansá di kushina. Tur paso ta ser spliká di un manera fásil i komprendibel

Kurso akí ta inkluí

• Video ku durashon di 29 minüt i 3 sekònde

• Akseso ilimitá na video
• Akseso via selular i kòmpüter